قال الرئيس عبدالفتاح السيسي، اليوم الخميس، إنه لابد من فتح الباب للشعب المصري للمشاركة في شركات القوات المسلحة وذلك من خلال تضمين بعضها في الطرح للبورصة مع شركات القطاع العام؛ لمشاركة الشعب في شركات بلاده.
وأضاف خلال افتتاح مصنعين جديدن تابعين لشركة النصر للكيماويات الوسيطة بمنطقة أبو رواش بالجيزة أن طرح الشركات في البورصة يحتاج لوقت طويل، لذلك يتم العمل الأن على إكمال الإجراءات للطرح.
وأضاف: “طروحات البورصة لازم يكون منها جزء للقوات المسلحة لازم الشعب يشارك فيه”.
وأكد أن القطاع الخاص مرحب به للمشاركة في شركات القوات المسلحة التى تم افتتاحها اليوم.
وأوضح أنه من الممكن الدخول في شراكة بعد الانتهاء من انشاء المصانع.
وتابع السيسي: “المهم إني أقولكم إنه بيعمل في القطاع أو في شركات اللي احنا بنتكلم عليها عشرات الآلاف.. وأنا كنت اتكلمت قبل كده في النقطة دي؛ وقلت إن يترى الصوب الزراعية اللي بتكلم عليها (الزراعات المحمية) تفتكروا لما يكون في 10 آلاف فدان صوب زراعية.. وأنا بقول عشرة بس مش 40 ألف أو 50 ألف أو 100 ألف.. كم شاب وشابة بيشتغلوا فيهم؟ وده اللي يهمنا إننا ندي للناس أمل أنه فيه تغيير وفرص للعمل بشكل أو بآخر.. ويهمني برضه إني أقول إن القطاع الخاص مرحب به للشراكة في كل اللي احنا بنقدمه وبنقولكم عليه ده”.
وواصل الرئيس: “قلت الكلام ده واحنا بنفتتح المشروع بتاع الصوب الزراعية في محمد نجيب، وقلنا يلا اتفضلوا معانا خشوا وشاركوا معانا في هذه الصوب، وأيضا في هذه المصانع.. ويمكن يكون السبيل اللي أنا بأكد عليه هنا إن الطروحات اللي الدولة المصرية بتجهز لطرحها في البورصة لابد أنه يكون في فرصة منها لشركات القوات المسلحة.. يعني لازم الشركات دي تدخل البورصة ويبقى في فرصة للمصريين إنهم يكون لهم أسهم فيها في هذه الشركات.. وبهذه الطريقة نكون فتحنا باب المشاركة للشعب المصري والمجتمع في هذه الشركات اللي أنا بقول إن فرص نجاحها كويسة”.
وأوضح أن القطاع القطاع الخاص مرحب به للمشاركة في المشروعات التي تنفذها القوات المسلحة وباقي أجهزة الدولة “ده كلام مش بنقوله سياسة.. لا ده كلام حقيقي.. كل اللي احنا بنتكلم فيه ده اللي عايز يتفضل يخش يتفضل يدخل معنا.. وأنت ستدخل في مشروع زي ما انتم شايفين في أي مشروع من اللي بيتعمل مشروع انتهى يعني افتتح.. فانت لا هتخش في دراسات جدوى ولا في تراخيص.. الحاجة معاك يلا وانا معاكم وأنا برحب بكده”.
وقال الرئيس إن “النقطة الثانية إن احنا زي ما قولنا كدا إن احنا ننزل، سواء كانت لشركات قطاع الأعمال أو للشركات اللي بتنزل البورصة عشان نعطي فرصة لمساهمة أكبر للمصريين.. واحنا شغالين في الموضوع دا بقالنا 3 سنوات ولكن موضوع الطرح في البورصة له إجراءات كثيرة مش عايز اتكلم فيها… عشان كدا لسه منزلش الحجم المناسب”.
جدير بالذكر أن شركة النصر للكيماويات، أحد أهم قلاع مصر الوطنية.
جاء ذلك خلال افتتاح الرئيس السيسي مشروعي مصنع الغازات الطبية والصناعية رقم 3، ومصنع فوق أكسيد الهيدروجين تركيز 50%، وهو الأول من نوعه بجمهورية مصر العربية، التابعين لشركة النصر للكيماويات الوسيطة بمنطقة أبورواش في محافظة الجيزة
وأنشئت شركة النصر للكيماويات الوسيطة عام 1972، وتعد شركة النصر للكيماويات أحد أهم قلاع مصر الوطنية، وشهدت تطورا غير مسبوقا خلال السنوات الماضية،
ويعد مصنع إنتاج غاز فوق أكسيد الهيدروجين الأول من نوعه في مصر، وينتج المصنع 23 ألف طن سنويا، وسيتم تصدير فائض إلى الخارج، كما توفر المصانع الجديدة 20 ألف فرصة عمل غير مباشرة إضافة إلى 4 آلاف فرصة عمل مباشرة.
وشهدت تطورا غير مسبوق خلال الـ6 سنوات الماضية.
واستطاعت فتح عدة مصانع فى العديد من مجالات الكيماويات المتوسطة منها الكلور و4 مصناع لانتاج المبيدات.
