وجه دكتور مرسي أمس دعوه للشعب المصري عبر موقع التواصل الاجتماعي تويتر لاستقبال اسئلتهم من الساعه التاسعه الي التاسعه والنصف مساء قائلا”أبنائي الشباب يسعدني ويشرفني تلقي أسئلتكم اليوم من الساعة التاسعة وحتى الساعة التاسعة والنصف”
ولكن تأتي الرياح بما لا تشتهي السفن وكالعاده لم يترك شباب الفيس بوك وتويتر فقره الاسئله كما لقبوها تمر بسلام فجاء ردهم ساخرآ وعلقوا قائلين:
“51% فاكرها يا ريس ؟ خليك فاكرها يمكن تنفعك”
“سؤال واحد بس / ممكن حد يقولنا مين الرئيس ؟”
“هو خيرت الشاطر جنبك”
“اريس زهق من العيال بتو طويطر وقال مابدهاش انزلهمانا بنفسي “
“طيب والناس اللي مابتسخدمش تويتر تسأل ازاي مش عيب تبقي رئيسوماعندكش حساب علي الفيس بوك “
“نسأل ازاي وانت عامل بلوك للشعب وضايف اهلك وعشيرتك بس يامرسي “
“بقولك ياريس.. فيه حوار جديد نازل ع النت اسمه جلوبال اد مارت
والنبي ياشيخ قولي الموضوع دا نصب ولا حقيقه عشان دفعت 500 دولار.. ولو طلع نصب يبقي ذنب الفلوس ف رقبتك ياريس”
” سيادة رئيس كل المصريين متي سترحل؟”
وعلق أخرين علي الوقت المسموح باستقبال الاسئله قائلين”
“نص ساعه بحالها دا ايه الكرم دا”
” هوا احنا فاضيين حازم جاى ف نفس الوقت مع طونى خليفة”
“طيب لو النور قطع من 9 ل9.30 نعمل ايه تضيع علينا فقره الاسئله”
واستشهد البعض باحدي الجمل الشهيره التي استخدمها دكتور مرسي :
“هو القرد لما يموت القرداتي بيشتغل ايه ؟ اريد معرفة جواب هذا السوال ولا ده عامل زي سر شويبس حسن عابدين مات وانا معرفتش ايه هو سر شوبيس”
“هو القرد لسه بيتنطط”
