كأس المونديال يتسبب في إشعال الحرب بين الفتيات والشباب عبر الفيس بوك

إندلعت حربآ إلكترونيه بين الفتيات والشباب عبر موقع التواصل الاجتماعي الفيس بوك تسبب بها كأس المونديال 2014 حيث قام بعض الشباب بمقارنه بين فتيات المونديال وبين الفتاه المصريه مؤكدين أن فتيات مصر لايتمتعن بالجمال وانهن يشبهن الغفر علي حد قولهم , في المقابل لم تسكت الفتيات وقررن الرد علي هؤلاء الشباب ووالمقارنه بينهم وبين لاعبي فرق المونديال .
وجاءت تعليقاتهم كالاتي :-
“اييييييه ياجدعان البنات اللي في المونديال دول دا احنا عندنا غفر ”
“عيب ياجدع تتريق علي بنات بلدك …بنات انا مش شايف ايوتها بنات”
“تكلمني عن الرعب اكلمك وانت بتتفرج علي المونديال وبنات المونديال وتيجي تلف وشك تلاقي المدام في خلقتك ”
“احنا بنطالب مصانع السجاير انها تحط صور بنات مصر علي علبه السجاير علشان الواحد يتوب ومايشربهاش تاني”
“ياجماعه عيب بنات مصرالمفروض ياخدو ملكات جمال بس العشوائيات بصراحه ياساتر علي الخلق”

علي الجانب الاخر كان رد الفتيات عنيف حيث ربطو بين تعليقاتهم وبين ما يحدث في الشارع المصر من تحرش وانتهاكات لحقوق المرأه ومنحها حريه مزيفه و جاءت تعليقاتهن كالاتي :-
“البيه اللي بيقول علي بنات مصر غفر انا مش هاجيبلك سيره براد بيت ولا توم كروز علشان نفسيتك ياحبيبي بس هاقولك ياريت تبص في المرايه الاول”
“البهوات اللي بيترقوا علي بنات مصر لو عايزها انجيلينا جولي كن لها براد بيت مش عبده البواب”
الواحد من دول يبقي كرشه طالع قدامه مترين واقرع وقصير وقاعد قدام التليفزين يتريق علي ستات مصر جاتكو خيبه احنا مستحملين اشكالكو وساكتين”
“احنا بعد ما شوفنا لاعيبه المونديال بنطالب بأباده كل الشباب المصر ي قبل ان يتكاثرو”
“كل واحد بيقول البنات اللي في البرازيل حلويين و بنات مصر وحشيين و مش بنات أصلاً؛
هما فعلا حلوين .. و حلوين أوي كمان .. و أحلى من بناتنا كمان و ما بننكرش !
بس عارف ليه هما حلوين؟
عشان كل واحدة فيهم بتنزل من بيتها لابسه أحلى حاجه و طالعه بأحلى مظهر و مش خايفة من واحد زيك يسمعها كلمة قذرة أو يمد إيده و يقولها أصل لبسك هو اللي استفزني ..
عشان كل واحدة فيهم راسمة على وشها أحلى ابتسامة و بتضحك من قلبها و هي مش خايفة واحد زيك يفكرها بتبتسمله و يروح يقولها ما تيجي ..
عشان كل واحدة فيهم رايحة الاستاد تستمتع بوقتها و تقضي وقت حلو تشجع فريق بلدها من غير ما تسمعك و إنت بتزعق؛ ما تلعب يا ابن الــ*&^% .. ما تباصي يا ابن الــ #%$% ..
عشان رافعين علم بلدهم اللي بيحبوها و بيحسوا في شوارعها بالأمان و الاحترام ..
عرفت بناتهم حلوين ليه ؟؟
عشان ما بيشوفوش أشكالك”