“احنا نرجع للسيسي نص مرتبه وهو يرجعلنا الاسعار ويادار مادخلك شر” أبرز تعليقات الفيس بوك حول زياده الاسعار
أصبح موقع التواصل الاجتماعي الفيس بوك ساحه للتعليقات والكوميكسات الساخره منذ إعلان حكومه محلب رفع الاسعار ,تنحي نشطاء الفيس بوك عن الحديث مع الاصدقاء والاحتفال بشهر رمضان وتحليل مسلسلات وبرامج رمضان وسادت حديثهم حاله من السخريه اللاذعه الممزوجه بالحزن الشديد لصدمتهم في حكومه السيسي وعد الوفاء بوعده للشعب المصري
وجاءت تعليقاتهم كالاتي :-
“احنا نرجع للسيسي نص مرتبه وهو يرجعلنا الاسعار ويادار مادخلك شر”
“وزير النقل لدريم : انهاردة بيتحقق حلم الشعب المصري في استرداد شكله الطبيعي دون التأثير علي الغالبية العظمي من الشعب
دا بقي محتاج حسين وانشراح يردو عليه في وقت”
“بمناسبة رفع أسعار الوقود وان المستفيد الاول من رفع الدعم هو المواطن الغلبان ..
هديكم مثال صغير :
انا لو عندي عربية “هامر” او “بي ام” او “جيب” و قررت ان افول عربيتي
الزياده اللي هدفعها لا تتجاوز ال 22 جنيه
انما بقا لو انا شغال علي عربية فولكس ولا الترامكوا ولا عندي عربيه نص نقل
بنقل بيها الخضار للسوق الزيادة اللي هدفعها هتكون 45 جنية
شوفتوا بقا ان المواطن الغلبان هو المستفيد الاول ..
و مش عاوز جحش يقولي ان سعر البنزين في مصر اقل من السعر العالمي
عشان بعد ما اديلوا ع قفاه هقوله لما سعر العربيات في مصر يبقي زي السعر العالمي ابقي خلي البنزين زي السعر العالمي يا فكيك”
“الاسعار غليت الله يخربيتك يامرسي
وماله مرسي ماهو غار واتسجن
ماهو لو كان بطل غباوه وتخلف ابن الورمه وكسر نحس امه دا كان زمانا نازلين فيه شتيمه وبندعي عليه الدعاء الوطني بدل كتمه النفس دي ي ي ي”
“محلب بيقول اتفقنا مع السائقين على رفع سعر الاجرة 10%
الرجل دا من مصر ولا منين
يا عم الحاج الحل فى البديل والمواصلات العامة مش الاتفاق
يلا … هتاخد بالباقى شتيمة”
“وزاره محلب اسم علي مسمي بيحلب في الشعب”
“للهوانم اللي نزلو رقصو اتبسطو هديتو اتبطيتو ”
“الشعب يجب ان يكون فقير الفقراء يدخلون الجنه”
“من المفروض ان الحكومة قبل ما ترفع 75 % من الدعم على شركات الاسمنت المفروض تعمل اسعار اجبارية بحيث الشركات متعوضش فرق الدعم من جيب الشعب وكذلك شركات الحديد والصلب”
“جاري حلب الشعب”
“فين وعودك ياسيسي برفع الاجور والمعيشه الكويسه انت خذلتنا كلنا ”
“وعدني السيسي خرمت انا دواني ”
“كلام السيسي زي الزبده يطلع عليه الصبح يسيح”
