“كلما شعرت بالكآبة أو القلق في الحياة أزور القاهرة” هكذا عبر الفنان الهندي أميتاب باتشان خلال لقائه ببرنامج “معكم” المقدم على فضائية “سى بى سى” مع الأعلامية مني الشاذلي , ولكن رواد موقع التواصل الأجتماعي الفيس بوك كان لهم أراء أخري, وتسبب تعليق باتشان في إطلاق وابل من التعليقات الساخرة من جانب نشطاء الفيس بوك
وجاءت تعليقاتهم كالاتي:-
“كذبة إبريل”
“عشان الي يشوف بلوه الناس تهون عليه بلوته ”
“انتوا مش فاهمين بيجي القاهرة عشان يحمد ربنا على النعمة الي كان فيها ”
“عمري ما شوفت حد بيقلل م قيمة بلده كده غيركوا بقي الناس ال بره بتشكر ف بلدك وعشقاها وبتحب تيجي هنا وانتوا هنا بتقلله منها ..طب لييه بس كده ؟؟”
“انت شوفت الهند الهند فيها فساد برضه وفيها نصب وسرقة عينى عينك وواسطة مش للركب للراس وفيها عدم امان وبلد مش جميلة الهند مش اقولك مصر احسن منها اقولك هى مصر بمشكلاتها واضربها فى عشر اضعاف كمان”
“صحيح ماحدش يعرف قيمة مصر غير لما يحضر اليها حتى ولو لبعض الوقت”
“هو انتو بتستظرفو ليه انتو دخلتو جواه ايه التعليقات السخيفة دي ايه التفكير المتخلف بتعاكو دا”
“طبعا مانتا ف مصر ام الدنيا خدها معاك عشان متحسش بكأبه وهات الساعة اللي ف ايدك عشان اتعشا يا حاج بتشان”
“هو بس التعبير خانه والجملة ترتيبها غلط ، هو يقصد:
كلما زرت القاهرة اشعر بالكآبه والقلق في الحياة”
“كداب يا ابو صلاح”
“يا ابن المحظوظة جالك اكتئاب مرتين بس في حياتك كلها”
“يا جماعة دا هندي..حد ياخد بكلامه..دا علي اياه كان الميتين بيصحون في اخر الفيلم والاب ميشوفش ابنه الا اخر الفيلم ويموت والواد يحزن عليه كانهم عشرة عمر وينتقمله وهو شايل ناعشه بايد واحدة..”
“يازين ما اخترت ياخوياااااااا”
