“ريهام سعيد راجعة ما فيش فايدة.. حد يحطلها سم فى المايك”.. هكذا سخر رواد موقع التواصل الاجتماعى (الفيس بوك)، عقب إصدار شبكة قنوات “النهار” بياناً تعلن فيه عودة برنامج «صبايا الخير» الذى تقدمه الإعلامية ريهام سعيد، ما أثار غضب رواد الفيس بوك، معربين عن استيائهم من هذا القرار، وتناقلوا التعليقات والكوميكسات الساخرة، كما هدد بعضهم بمقاطعة قناة النهار، وحذفها من الريسيفر، وهدد آخرون بمقاطعة كافة الشركات المعلنة للبرنامج.
وجاءت تعليقات الفيس بوك كالاتى:- «صباح الخير.. باعتبار أنه خير يعنى قالك هيرجعوا برنامج صبايا الخير لأداء دوره الخيرى والإنسانى والوطنى، أنا حاسة إنى شايفة لسان ريهام سعيد لحد السرير عندى.. فاكرين ساعة الأزمة رئيس القناة كان بيدافع عنها إزاى! بس طظ بقى فى قنوات النهار كلها عشان مبتحترمش رأى الناس أصلاً وأهم حاجة عندهم الفزيتا اللى بتيجى من ورا الحاج صاحب البيت».
«المصرى اليوم بيقول إن ريهام سعيد هاترجع حط يحطلها سم فى المايك علشان نخلص منها».
«عوده أخطر امرأه ريهام سعيد عاااااااااا».
«حملة لمقاطعة المعلنين على القناة ككل مش على برنامج صبايا الخير بس فى حالة عودة برنامج ريهام سعيد».
«أنا ماكنتش بتفرج عليها أصلاً، ودلوقتى لو قناة النهار رجعتها هحذف قناة النهار من عندى خالص عايزين يرجعوا الخير وماله فى ألف مذيعة محترمة ممكن تقدم البرنامج ده وتكمل الخير اللى كان بيتعمل».
«ريهام سعيد راجعة… ما فيش فايدة».
«أحيه ياعنى ريهام سعيد راجعة ومرسى لسه مارجعش».
«إحنا محتاجين مرتضى منصور يرد».
«يخربيتها هى ما بتموتش الوليه دي».
«الحل مقاطعة قناه النهار أصلاً».
«إحنا نبعت رسايل لقناه النهار نحذرهم لو ريهام رجعت هانحذف القناة كلها».
«قطعو قناة النهار ياجدعاااااااااااااان».
ياعنى أنا أنام ساعتين أصحى الاقى الخبر دا منكو لله».
«دى لعنة ياجدعان».
«إيه الوليه دى ما بتموتش دى لعنه بتطاردنا».
«دا أكيد كابوس لالالاااا حد يقول إنها مش راجعة حد يكدب الموضوع».
