«بقى الريفو المعفن الزهر يلعب معاه وانا لأ» هكذا سخر رواد موقع التواصل الاجتماعى الفيس بوك، من ارتفاع سعر الأدوية، مما تسبب فى غضب الشارع المصري.
وكانت الحكومة قررت رفع اسعار شريحة من الأدوية بنسبة 20%، حيث اشتكت الشركات المصنعة للادوية من ارتفاع تكاليف الانتاج.
وعلى الرغم من ترحيب مصنعى الدواء بهذا القرار إلا انه اثار غضب الرأى العام بشكل كبير، متسائلين هل سيتم التراجع عن القرار من أجل «الغلابة»، أم سيستمر الغلاء ليقضى على الفقراء.
وفيما يلى تعليقات الفيس بوك عن زيادة اسعار الادوية:
«بصرف النظر عن الريفو بقية الادوية المهمة التى ليس للمريض غنى عنها زى القلب والسكر وباقى امراض الدم كبد وكلى… المريض الفقير يعمل ايه»
«هى جت على الادوية دى ياريتها بتغلى وموجودة لأ ده فى انواع اختفت»
«الحاجه الوحيده اللى رخيصة الانسان»
«يعنى الزهر يلعب مع الريفو وانا لأ»
«ولسه الغلابة ف مصر مصيرهم الموت»
«هو مش الريفو دا اللى كنا بناخده فوق البيعة… يانهار طين هو كمان اسعاره غليت»
«ياجدعان احنا لو كفار مش هاتعملونا كدا طيب لما لما يمرض يتعالج ازاي»
«هانعمل ايه فـ اسعار الادوية اللى ولعت… سأجرب طب العطارين وأطرق باب العرافات»
«عرفتو ليه كانو بيعلمونا ان الوقاية خير من العلاج.. علشان يرفعوا سعر الادوية»
«العطارين هايكسبو اكترمن تجار المخدرات اليومين اللى جايين»
«روحت اشترى علاج باشتريه كل شهر من الصيدلية لقيت الصيدلى بيدينى العلاج كله بالسعر الجديد قولتله انت شاريه قبل الزيادة والزيادة دى على اللى انت بتجيبه جديد قالى مليش فيه»