أثارت تصريحات الصحفي القطري احمد علي عبر حسابه الشخصي على “ تويتر “ والتي شن فيها هجوما على مصر تعليقات ساخرة من مستخدمي الفيس بوك معتبرين هذه التصريحات ماده خصبه للسخريه وقامو بشن حرب الكترونيه عبر صفحات موقع التواصل الاجتماعي تعتبر هي الاعنف حتي الان معلقين علي مساحه قطر التي تبلغ حوالي 11.521 كليو متر مربع مقارنه بمساحه مصر التي تبلغ حوالي 1.002.450 كيلو متر مربع مستشهدين بجمله عبد الناصر الشهيره “خيمتين ونخله بيهددونا” وجاء ابرز تعليقاتهم كالاتي :علي غرار طريقه هل تعلم ” ﻫﻞ ﺗﻌﻠﻢ ﺍﻥ ﻗﻄﺮ ﻟﻴﺲ ﺑﻬﺎ ﻣﻮﻟﺪﺍﺕ ﻛﻬﺮﺑﺎﺀ ﻭﺷﻐﺎﻟﺔ, ﺑﺤﺠﺎﺭﺗﻴﻦ ﻗﻠﻢ ؟” ،” هل تعلم أن هناك جهاز راوتر واحد فى منتصف قطر, وسايبين الوايرليس مفتوح”،” هل تعلم ان اليافطات ف قطر عند التقاطع مكتوب عليها احترس تقاطع بعد 6 ميللمتر من دلوقتي”،”هل تعلم أن البيبسي 2 لتر ممنوع في قطر علشان لوفارت هاتغرقها”،”العيال في قطر بيلعبوا استغمايه وبيستخبو في البحرين” .
“السادات لوكان عايش لليوم اللي يسمع فيه أن قطر بتهدد مصر مبدأيا كدا كان لغي اليوم دا من ايام الاسبوع وبعت كتيبه بمسدسات ميه تغرق قطر للابد”، “قطر بعد ما استضافة كاس العالم…السعودية صرحت وقالت الكورة لو جت عندنا هناخدها وهنقطعها”،”أنباء عن دخول الشعب المصري موسوعه جينيس لقيامه بتصوير صناعه قرص طعميه أكبر من مساحه قطر”، ” شعب البحرين الشقيق عمل موبايله صامت بعد ما قطر اشتكت من كتر الرنات” ،” بيقولك امير قطر بيخاف يفرد رجليه وهوا نايم…علشان متخش ف البحرين”،”يابخت طلبه قطر بيذاكرو تاريخ 3 سطور والجغرافيا شارعين وحاره “
وعلق احد الشباب علي غرار أفيه الفنان محمد صبحي في مسرحه الهمجي ” ساند باب البلد برجلي ياحوريه”، “ابقي هاتيلنا كراسي تيفال ياحوريه”
وعلق أخر بأشهر جمل للدكتور مرسي قائلا ” العياط لما اتكلم عن الــ ٤ …. ٥… اللي في الحاره المزنوقه .. كان متأثر بحبة لدوله قطر الشقيقه”
ولم تتوقف موجه السخريه عند مساحه البلدين بل اجتاجت عدد سكان قطر الذي يبلغ حوالي مليوناو836ألف نسمه مقارنه بتعداد سكان مصر الذي يبلغ اضعاف الرقم ويصل الي حوالي 82مليونا و452 ألف نسمه معلقين ” هل تعلم ان عدد المرات اللي استلفت فيها ال 3 جنيه من فودافون اكتر من سكان قطر” ، “ياعني بذمتك سايب الدنيا كلها وجاي تجر شكل المصريين ، “ماتستبعدش أن عدد اقراص الطعميه اللي بيفطر بيها المصرين كل يوم أكبر من تعداد سكان قطر”، “عدد الكوميكس اللي اتعمل ع قطر اكتر من عدد سكان قطر”
“هل تعلم ان دولة قطر هيا الدولة الوحيدة اللي ممكن تجمع سكانها ف صورة واحدة” ،وقام أحد الشباب بالدعاء لقطر ” يارب أرزق قطر بنهضه زيي النهضه بتاعتنا يارب عشان الناس اللى بتقولى انتى بتكرهى قطر أدينى بدعيلهم أهو “
وقال أخر “كفايه ألش علي قطر زمان الصحفي اعتزل الصحافه خالص “، كما أنتشرت صوره للشخصيه الكاريكاتيريه أساحبي ومكتوب عليها “الالش اللي شوفته علي قطر النهارد عمره ما قطر علي بالي”.
الطريف أن الصحفي القطري احمد علي هو نفسه الصحفي الذي طالب بمحاكمة الاعلامي الساخر باسم يوسف بتهمه التطاول علي قطر.
الطريف أن الصحفي القطري احمد علي هو نفسه الصحفي الذي طالب بمحاكمة الاعلامي الساخر باسم يوسف بتهمه التطاول علي قطر.
