عقب احداث أمس من قرار إخلاء سبيل مبارك وإلقاء القبض علي محمد بديع مرشد الاخوان سادت حاله من السخريه بين صفحات موقع التواصل الاجتماعي الفيسبوك وتداول الشباب صوره للرئيس السابق حسني مبارك يصاحبها تعليق “2014 مبارك رئيسآ لمصر من أجل عوده مكانتها” في الوقت ذاته نالت الصوره تأيد العديد من نشطاء الفيس بوك مبررين موقفهم بما عانته مصر طوال الفتره السابقه منذ إندلاع ثوره يناير 2011 وخاصه في السنه الاخيره في ظل حكم الاخوان المسلمين وجاءت تعليقاتهم كالاتي: –
“دا عشم إبليس في الجنه”
“دا لايمكن يحصل ابدا هو يامرسي يامبارك استحاله”
“خلي خلي بالك هانصور وانت ولا علي بالك اللقطات اللي وخدنها كلها طبيعيه والابطال انا وانت وهي”
“يالهوي ياما ياعني كل اللي فات دا كان كاميرا خفيه”
“طيب مانجيب عيلاء علي طول بدل مانستي مشروع التوريث ونبقي كسبنا وقت … دا عند امه يا ادهم”
“ياجدعان مش معني اننا بنكره الاخوان يبقي ننسي اللي مبارك عمله في البلد داعلي جثتي”
“ياريت يرجع تاني علي الاقل ايامه كانت فيها امان”
“بعد اللي شوفنها السنه اللي فاتت دي واللي بنشوفه دلوقتي من الاخوان ياريت مبارك يرجع”
“ياريت علي الاقل مبارك مش جاسوس وماكنش عايز يحرق البلد ويعمل فتنه”
