“طب نحب نقول لتامر أمين، أنت طول عمرك إعلامي فاسد واسأل عن موقفك يوم حادثة خالد سعيد ,ومش عايزين نناقش قضايا البنات فى الإعلام لو هتتناقش بالقذارة دي.أنضفوا “,هكذا كان تعليق صفحه “ثوره البنات “عبر موقع التواصل الاجتماعي الفيس بوك ردآ علي ما صرح به الاعلامي تامر أمين عن حادثه التحرش بفتاه داخل جامعه القاهره من خلال برنامجه.
كما أشعل تعليق أمين علي الواقعه ثوره الكترونيه ضد ما قاله وجاءت تعليقاتهم كالاتي :-
“مجتمع ذكورى بحت .. يبرر الخطأ .. ويبرأ المخطئ .. ويحاكم المجنى عليها تبآ لهذا المجتمع البغيض”
“على كده فالناس اللي ليهم ميول تانية لهم مطلق الحرية تتحرش فيه و تعمل فيه ما بدالهم و هو ملوش حق يفتح بقه الفاسد دا”
“اللي بيبرر التحرش بأنها اصلها لابسه ايه اصل مش عارف ايه يبقا حيوآن زي اللي اتحرش بالظبط كفآيه قرف بقآ”
“المفروض يتعمل لتامر امين هاشتاج ونسميه اتفووو عليك ”
“تامر امين انت مامتك مثاليه”
“مش قادره اصدق ان دا كلام إعلامي ومثقف ساب ايه للجاهله بقي”
وكانت قد تعرضت إحدي طالبات كليه الحقوق بجامعه القاهره لواقعه تحرش جماعي من قبل طلاب داخل الجامعه ,وهاجمها تامر أمين من خلال برنامجه “من الاخر” الذي يقدمه علي شاشه روتانا مصريه, واتهم الطالبه بأنها السبب فيما حدث لها,مبررآ جريمه الطلاب بأنهم “مكبوتين وتعبانين”
وعلق أمين خلال برنامجه مساء أمس قائلآ ” الحقيقة أن اللبس مالوش علاقة بلبس الطلبة ولا لبس البنات، دا لبس رقاصات، إزاي أمن الجامعة سمح للطالبة تدخل باللبس ده.. اللبس مستفز ومثير ويفتن أكثر مما يستر، ويعري أكثر مما يغطي.. دا لبس شراشيح”
