أثار فيلم “الحرب العالميه الثالثه” للثلاثي هاشام ماجد وشيكو واحمد فهمي , غضب أدمن صفحه ” الصفحه الرسميه لموقع الملك فاروق الاول – فاروق مصر” حيث علق الأدمن قائلآ “ولايزال مسلسل الاستهزاء بالرموز المصريه مستمرا فى اعمال فنيه هزيله ، صوره من فيلم ” الحرب العالميه الثالثه ” واحد الممثلين يقوم بوضع اصابعه على هيئه قرنين على رأس الزعيم احمد عرابى ”
أضاف “هكذا وصل الحال بأعمالنا الفنيه …. هكذا اصبحت رموزنا الوطنيه عرضه للاستهزاء فى اعمال فنيه هزيله”
وجاءت تعليقات نشطاء موقع التواصل الاجتماعي متناقضه بين حاده اللهجه ومهاجمه الفيلم وأخري تري أن الفيلم ساخر ولا يستحق كل هذه الانتقادات اللاذعه .
وجاءت تعليقاتهم كالاتي :-
“ده هزار انما الاستهزاء هو اللي عمله توفيق في عرابي خلوا حد تاني طيب اللي يكلم عن عرابي”
“الفيلم الاجنبى اتريقو على رموز وطنية امريكية اكتر من كده ومحدش اتكلم”
“انت لية مسألتش ان صافينار اتشهرت فى مصر وفشلت فى ارمنيا؟ وزويل فشل فى مصر ونجح برا مصر؟؟ يعنى عاادى”
“‘ده مش انتاج سينمائى. ده صرف صحى جميع مواسيرة ضربت ببيوت مصر.من حبه عيال ملهاش لازمه”
“اسمحلي انا مش متفقة معاك ابدا لان هو مش قصدة الاستهزاء بس دي حركة عادية في عصرنا الحالي يعني كلنا بنعملها لما نكون بنتصور مع حد”
“وانت مستنى ايه من افلام انتاج السبكى”
“بلاش حوارات متكبروش الموضوع ده كوميديا”
“الإعلام المصرى قائم عليه مجموعة من السفهاء يعملون دون كلل لاملل على تفريغ الشعب من اى قيم او مبادئ لأن هؤلاء الإعلامييين لايتمتعون بأدنى مستوى من القيم والمبادئ فماذا ننتظر منهم.”
“ممثل فاشل ﻻن عرابى اول زعيم وطنى من فﻻحى مصر يقف امام خيانة توفيق وليس عميل لﻻنجليز”
“الحق مش عليهم لو احنا شعب عندنا عقل واعى وبنقاطع الارف ده مكانوش نجحو واستمرو..انما هم بيشوفو الجمهور عاوز ايه وبعملو..الحق ع اللي بيتفرج ويسقف!”
“يجب معاقبة كل هؤلاء و محاكمه الرقابه التى سمحت لهم”
“سفاله مش أكتر…لما مايحترموش رموز لها قيمة وصنعت تاريخ…اقدر ساعتها أقول حثالة المجتمع بقي ليها صوت..”
“طالما انهم بعيد عن الانبياء والرسل والصحابة يبقى مفيش مشكلة خلينا نضحك بقى”
يُذكر أن الفيلم من بطوله الثلاثي احمد فهمي وشيكو وهشام ماجد والنجم علاء مرسي ,من تأليف مصطفى صقر ومحمد عز الدين، إخراج أحمد الجندي,وإنتاج السُبكي .
