علي هامش اليوم الثاني للمؤتمر الاقتصادي المقام في شرم الشيخ, ظل رواد موقع التواصل الأجتماعي الفيس بوك يراقبون فاعليات المؤتمر وتناقلو حجم الأستثمارات التي حصلت عليها مصر خلال اليوم الثاني ,وأطلقو تعليقاتهم الساخرة من جماعة الأخوان تارة, والمعبرة عن فرحتهم تارة أخري, في حين أشار البعض أن مصر دخلت موسوعة جينيس في التسول .
وجاءت تعليقاتهم كالاتي:-
“الحكومة توقع 18اتفاقية باستثمارات 85مليار دولار بمجالات الطاقة والإسكان والنقل خلال أولى ساعات اليوم الثانى للمؤتمر الاقتصادى..أبرزها إنشاء العاصمة الجديدة بـ45 مليار دولار”
“العاصمة الجديدة دي من الامارات فقط بالمبلغ دا لازم تقول كل حاجة .. الامارات دي كل شوية بتثبت انها بلد رائعة فعلا وواقفة جنب مصر ديما”
“وشركه بريتش بتروليم 12مليار دولار وشركه ايطاليه نفطيه 5مليار دولار”
“بلح كلام كله بلح مصير الكلام ده زى جهاز الكفته”
“هو مين اللي هيدفع ال 45 مليار دول…..و مقابل اية……و علي حساب مين العاصمة الجديدة دي….انا مش بتريق انا عايز افهم بجد”
“تحيا مصر”
“بتكلفة 2 مليار دولار.. توقيع أضخم مشروع لنقل الكهرباء فى الصعيد مع “سيمنس الالمانية بتك””
“عرفتوا ليه الاخوان عملوا كل شئ عشان يمنعوا المؤتمر ده ينعقد راجعوا كلام المذيع محمد ناصر بتاعهم ده وبيحرضهم على منع المؤتمر بس ربنا بينصر اللي عايز يعمر مش اللي بيخرب ربنا يخزيهم كمان وكمان”
“الأخوان جالهم صليل في الصوارم من كتر المليارات اللي دخلت في يومين”
“لكل الي بيتريقو علي المؤتمر الاقتصادي
عاوز بس افهمكو حاجه
1-فييه فرق كبير اوي بين الاستثمااار والشحاته والمعونه
2-الصين واليابان وامريكا والبرازيل والارجنتين اكتر نااس مشيين علي المنهج ده
3-احنا مبنشحتش من حد لأن خيرنا علي الكل
4-الامارات والكويت والسعوديه واليمن والأردن وغيرها كتييير اتبنت بأيد مصريه
5-السيسي مش اقتصاد مصر يعني لو كان بينك وبينو دم بردو لازم تشجع الاقتصاد
6-مفييش اقتصاد اتبني من الاستثمار الخارجي لازم يتبني بأيدي الشعب
عاوز تلعن وتسب انتا حر بس متجييش تعيط لما متلاقييش شغل و الدنيا تسود في وشك من الفقر”
“كده بقى تهريج الناس اللى فى المؤتمر تحبس الناس بتوع المليارات هناك 10 مليارا دولار فى 9.4 مليار دولار فى 26 مليار جنيه ”
“ابعت ياللى بتبعت”
“كفاية كفاية الاخوان حيموتوا محروقين”
“خلاص السيسي بيحرك دراع مصر للمستقبل ولاعزاء للخرفان الحاقدين”
“المؤتمر الاقتصادي يعتبر العمود الفقرى للاقتصاد المصرى فى المرحلة القادمة بغض النظر على من يحكم مصر فلابد من مساندتهى ودعمهى بشدة”
“نسيتو اهم اتفاقية وهي اتفاقية انشاء مصنع مراهم لكل المحروقين من النجاح بتاع المؤتمر”
“الامارات هتفلس بسببنا”
