الرئيس السيسي: مجمع الإصدارات المؤمنة والذكية سيحدث نقلة في خطة الدولة للتحول الرقمي

قال الرئيس عبد الفتاح السيسي إن مجمع الإصدارات المؤمنة والذكية سيحدث نقلة في خطة الدولة نحو التحول الرقمي.

وأضاف السيسي، في كلمة له خلال افتتاح مجمع الإصدارات المؤمنة والذكية، أن المجمع سيساعدنا في منع التزوير والفساد بالاضافة إلى حوكمة الإجراءات.

ويعد المجمع صرحا تكنولوجيا عملاقا فائق القدرات الفنية المتطورة في مجال تصنيع وإصدار الوثائق الثبوتية المؤمنة، وهو الأكبر والأحدث من نوعه في منطقة الشرق الأوسط وأفريقيا، كما يمثل قيمة مضافة كبيرة لدعم استراتيجية الدولة للتحول الرقمي والميكنة خاصة ما يتعلق بالوثائق والبيانات والمحررات لجميع الجهات الحكومي.

قدم الرئيس عبد الفتاح السيسي، التهنئة للشعب المصري بمناسبة قرب حلول شهر رمضان الكريم، داعيا الله أن يمن علينا جميعا بالخير والصحة والسلامة والتوفيق.

وقال السيسي، إن إنشاء مُجمع الإصدارات المؤمنة والذكية سيحدث نقلة كبيرة جدا، وخاصة في حالة التكامل مع فكرة الحكومة الذكية في العاصمة الإدارية الجديدة.
وأشار السيسي، إلى أن فكرة القضاء على الفساد ليست إرادة سياسية فقط، ولكن تجب الاستفادة من العلوم ومن التكنولوجيا المتاحة في العالم حتى تتم الاستفادة في تحقيق كل الأهداف المرجوة.

وأضاف السيسي أن فكرة المُجمع ستعظم موارد الدولة، وتقضي على التُهرب من الالتزامات المالية الدستورية طبقا للقوانين التي تحددها الدولة، مشددا على ضرورة الثقة في النفس، حتى نستطيع مجابهة التهرب الضريبي، وليس فقط عن طريق وزارة المالية.

وقال إن المُجمع سيقضي على فكرة تزوير الشهادات، لأنها ستكون صادرة من المركز مؤمنة بنسبة 99.9%.

وقال الرئيس عبد الفتاح السيسي، إن الشهادات التعليمية في مراحل التعليم المختلفة مثل الجامعات ورسائل الدكتوراه.. الخ.. سيكون من الصعب تزويرها أو يستحيل أن تكون مزورة، مشيرا إلى أن هذا يأتي مع الجهد الذي تبذله الدولة في الحكومة الذكية التي ستكون في العاصمة الإدرارية الجديدة، وتابع:”كل هذه الأمور ستغير وجه الدولة المصرية نحو الأفضل.

وتابع الرئيس السيسي:”إن الفكرة كلها بالإضافة إلى ذلك أن مش بس منع الفساد.. لأ حوكمة إجراءاتنا، يعني النهاردة هديكوا مثال كان فيه تعدي كتير على أراضي الدولة وتعدي كتير على أراضي الأوقاف.. ليه ؟، لأن الوثائق الموجودة الخاصة بيهم ممكن تتزور، فالناس في ناس معندهاش.. يعني.. وتقدم أي حاجة وتاخد بيها حاجة مش بتاعتها، وأنا عشان كدة بقول للدولة من فضلوكوا أراضي الدولة.. ووجه كلامه لرئيس الوزراء الدكتور مصطفي مدبولي “أراضي الدولة يا دكتور مصطفى دلوقتي.. وأراضي الأوقاف تطلع وثائق بها بالكلام ده، الوثائق دى تكون بس الأمور تدققت بشدة وبدقة شديدة ونطلع.. يبقى عندنا مستندات دي ملكية الدولة الأرض اللي أنا بتكلم عليها دي الـ 100 ألف فدان دول بتوع الدولة ميرحوش لحد تاني إلا بقرار ينقل ده ويتعمل اجراءات النقل بتاعته بورق مؤمن بردو عشان ميبقاش في فرصة لحد إنه يدخل يتعدى على أراضي الدولة مثلا وياخدها”.

وأكد الرئيس السيسي إننا نريد مواجهة الفساد والتجاوز الذي يحدث، ومواجهة أيضا عملية الاختراق، مشيرا إلى أن الغرض من الاجراءات الجمركية ليس فقط الحصول على الأموال وإنما أيضا منع دخول أي مواد خطرة على الأمن أو محظورة إنها تدخل، لأن الأورق من الممكن التجاوز فيها،

وشدد الرئيس السيسي على ضرورة عمل إجراءات متكاملة مع بعضها البعض، مشيرا إلى أن ما تم طرحه هو عبارة عن جزء من الأفكار التي تم التعامل معاها.

وقال الرئيس عبد الفتاح السيسي: “بالمناسبة.. هذا المكان قد يقترب ثمنه من المليار دولار بأرضه وكل شيء.. دا مبلغ كبير جدا علشان نصرفه… فيه عناصر من هذا المشروع ممكن تبقى موجودة في دول لكن التكامل ده أتصور أنه موجود عنده دول قليلة جدا يتعدوا على اصباع اليدين أو الايد الوحدة.. احنا بنتكلم على دولة جديدة.. وأنا قولت الكلام ده قبل كده.. أنا لو عاوز افتتح كل يوم مشروع بس خايف عليكم.. والله خايف عليكم.. المشاريع دي اتعملت ازاي.. اتعملت بجهدكم بإرادتكم وبفكركم وبأموالكم.. لو عاوز كل يوم مشروع بمستوى.. اه موجوده.. فكل شوية نطلع مشروعين ثلاثة كده علشان بس نطمن نفسنا ونطمنكم إننا ماشيين على الطريق الصحيح”.

وأضاف الرئيس السيسي “أنا بس أتصور اننا محتاجين نفكر كويس جدا في التشريعات التي تجرم التجاوز في هذا المسار.. مثال يعني الدكتور طارق شوقي بيتكلم على الكتاب المدرسي بيقول إن الكتاب المدرسي هيبقى بعد كده طالع من مطبعة الحكومة وهيعطي للطالب عليه الباركود بتاعه.. وبالتالي الـ 200 مليون كتاب بقي مين اللي مطلعهم.. احنا.. طيب حد عمل حاجة تانية ومطلعها وعرضها.. طيب المكتبة اللي هتعرض دا نتكلم معاها إزاي.. طيب اللي باع الكلام ده نتعامل معاه ازاي.. فلازم مع التطور ده يبقى فيه تطور في التشريع .. دا موضوع فني وقانوني وقضائي.. ومن الضروري نفكر إزاي كل الكلام اللي احنا بنقول عليه نأمنه بتشريعات تجرم أي تجاوز فيه أو أي محاولة لاختراقة حتى نكون عملنا الموضوع بشكل متكامل.

المصدر: أ.ش.أ