اندلعت حرب الكترونيه شرسة عبر موقع التواصل الاجتماعي الفيسبوك بين معارضي مرسي وانصاره بعد خطاب فريق أول عبد الفتاح السيسي الذي القاه اليوم في تخريج دفعتي البحريه والدفاع الجوي,حيث قام مؤيدي الرئيس المخلوع مرسي بتشويه صوره الفريق عبد الفتاح السيسي وتخوينه وانه يدعو الي حرب أهليه,فيما قام معارضي مرسي بالرد عليهم بسخريه شديده كما دعو للاحتشاد في ميادين مصر الجمعة القادمة لتفويض السيسي لمكافحه الارهاب ونبذ العنف.
وجاءت تعليقاتهم كالاتي:-
“السيسي بيدعو لحرب اهليه ..أومال القيادات اللي في رابعه بيدعوك لايه لعشا رومانسي علي ضوء الشموع”
“عاجل تهريب كميات كبيره من البامبرز لمحيط رابعه العدويه لاصابه القيادات بتبول لا ارادي بعد خطاب السيسي”
“الخرفان فضلت تتوغل وتنتشر واحنا جبنالهم العسكري من رشه واحده هايقضي عليهم”
“وانا وانا وانا احب العسكري,رشه يمين ورشه شمال يقضيلي علي الاخوان”
“يوم الجمعه ياعني48 ساعه ربنا مايقطعلك عاده ياسيسي الاخوان ابتدو يكرهو الرقم دا”
“هما الاخوان مرعوبين ليه من يوم الجمعه..السيسي ماجبش سيرتكو قال هانقضي علي الارهاب”
“بعد يوم الجمعه الخرفان من مركز سجن طره هيبثوا ليكم خطابتهم متقلقوش هنبقى نخلى ميكى ماوس يسمعكم و يضحك عليكم”
“ملخص خطاب السيسي : أدوني اشارة واجبهم في شكارة”
علي النقيض جاءت تعليقات أنصار مرسي حاده وغاضبه وكانت كالاتي:-
“السيسي بيجر البلد لحرب اهليه الله يخربيتك ياسيسي خربتها”
“السيسي كرر كلمة أنا…أكثر من تكرار مرسي لكلمة الشرعية…”
“السيسي : انا منعت مرسي من القيام بحرب اهلية .. !! عشان اعملها انا !!”
“السيسي خاين وبيجري ورا السلطه عايزها تولع وتبقي سوريا تانيه”
