أثار تغيير الساعه للتوقيت الصيفي غضب موقع التواصل الاجتماعي الفيس بوك, وكان قد قرر مجلس الوزراء بعودة العمل بالتوقيت الصيفي من جديد ابتدأً من الخميس ، بعد إيقاف العمل بالتوقيت الصيفي قبل شهر رمضان وإقرار عودته فى أول يوم خميس بعد إنتهاء رمضان , ويحمل قرار مجلس الوزراء بعودة العمل بالتوقيت الصيفي ردود أفعال مُتناقضه بين مؤيد ، فالحكومة تري أن القرار ضروري من أجل توفير الكهرباء لأن القرار يسهم فى قصر ساعات الليل وهو مايسمح بتوفير بعض من إستهلاك الكهرباء، بينما يري نشطاء الفيس بوك أنه قرار خاطئ لأنه يمثل نوع من عدم الإستقرار فى المواعيد مما دفعهم إلي إطلاق الكثير من التعليقات الساخره .
وجاءت تعليقاتهم كالاتي:-
“اعمل التوقيت الصيفي عملنا التوقيت الصيفي, لا ارجع تاني للشتوي علشان رمضان مااااااشي , رمضان خلص نرجع للتوقيت الصيفي الله وماطلوك ياروح اوووك, وبعد شهر هايرجعونا للتوقيت الشتوي تاااااااااني البني ادم اللي بيلعب في الساعه دا يتهد مش فاضينله احنا”
“العمل بالتوقيت الصيفي تاني من النهارده الخميس خدامين ابوكو احنا “
“طب ياعني انا البس صيفي ولا شتوي ولا اعمل ايه “
“الشعب المصري بعد تغير الساعه للتوقيت الصيفي انا مش عارفني انا تهت مني انا مش انا”
“غيرو الساعه للتوقيت الصيفي تؤ اغيروووووووووووش “
“كنا بنتريق ان التغيير الوحيد لثوره يناير هو الغاء تغيير الساعه اهم رجعو للذكريات يافقري منك ليها “
“إعاده التوقيت من النهارده وبكدا نبقي قضينا علي أخر حاجه تفكرنا بثوره يناير”
“حال الشعب المصري بعد تغيير الساعه ساعه تروح وساعه تيجي هااااا سااااااعه تروح وساعه تيجي هاااااا”
“التوقيت الصيفي رجع ومرسي لسه مارجعش انا بدأت اتوغوش”
