بعد تزايد أزمه إنقطاع التيار الكهربائي في جميع انحاء المحروسة قام نشطاء موقع التواصل الاجتماعي الفيس بوك بالسخرية من هذه الظاهره التي أصبحت حديث الساعة , ودشن عدد من النشطاء هاشتاج بعنوان ” الحفلة علي وزير الكهرباء” وأبدعو في نشر التعليقات والكوميكسات الساخرة.
وجاءت تعليقاتهم كالاتي :-
“اديك فالضلمة تنور اديك تنزل متعور .. اديك تشد السكينة اديك يابن التخينة”
“من الشعب المصري لوزاره محلب إليهي يحلبوكو مع جاموسه هبله”
“رساله إلي محصل النور دكر وابوك جابك حط ايدك علي الجرس ولا خبط علي الباب”
“بيقطعو علينا النور 3 مرات في اليوم تقولش بيدونا مضاد حيوي ياجدع”
“انا اتقدملي اتنين واحد تيار حربي وواحد تيار إسلامي بس يا اسامه انا نفسي في تيار كهربائي”
“انا موافقه جدا ان شبكتي تكون مولد كهربائي”
“بعد كداهايلغو النيش ويجيبو مكانه مولد كهربا”
“رئيس وزراء اليابان اتصل بوزير الكهربا بتاعنا .. قاله تعالى عندنا ..محتاجين وزير للعشوائيات .. وزير الكهربا قاله ..بس اليابان فيها عشوائيات؟؟. رد عليه .. يعنى مصر اللى فيها كهربا”
“وزير التموين إتصور برغيف عيش سخن حضرة وزير الكهربا مش ناوي تتصور بسلك عريان”
“لمبه الجاز تغزو الاسواق ”
” مش انتو اللي عاملين تقولو فين ايام الملك فاروق اهو خلاكو تشتغلو علي لمبه الجاز ورجعكو للخديوي سماعيل ”
“دلوقتي الحفله علي وزير الكهربا بس ايام مرسي هو اللي كان بيتشم وهو اللي كان بيخون ياعبيد البياده”
الرجاء من السادة المواطنين عدم الرد على صباح الخير بـ صباح النور و ذلك لترشيد إستهلاك الكهرباء”
“واحد كاتب على الشريط بتاع قناة مزيكا : الحاج عبد الهادى يهنئ إبنه أسامة بعودة الكهرباء بعد إنقطاع دام سبع ساعات”
“في بلاد بره النور احيانا بيقطع انما بقي في مصر ام الدنيا النور احيانا بيجي “
