“كورس تعليم تأوير البتنجان الآن بمصر” ليست مزحة أو نكتة، ولكنها دعوة اطلقها يوسف رمزى وسراج الدين عبر موقع التواصل الاجتماعى الفيس بوك فى كورس بهيلتون الإسكندرية نهاية شهر ديسمبر الجارى.
وعلق أدمن الدعوة: تعلم معنا تأوير البتنجان من الالف الى الياء على ايدى متخصصين فى التأوير، أضاف أن الكورس مدته نصف ساعة فقط، كما اعلن عن سعر الكورس والذى بلغ سعره 2 جنيه ونصف.
وأوضح الادمن أن الكورس شامل عدد واحد بتناجنة لكل مشترك،مؤكدآ على إجضار المقوار مع كل مشترك بالكورس، كما أسسوا أبلكيشن إلكترونيا، ليملأه الراغبون فى الحضور، تضم الاسم والسن والإيميل الخاص.
وطالبهم البعض بإطلاق كورسات لكيفية عمل محشى ورق العنب والكرنب، الجدير بالذكر أن 784 شخصا أكدوا حضورهم للكورس، بينما علق آخرون بالسخرية.
وجاءت تعليقاتهم كالآتى:
»الـ2 جنيه ونص دول شاملين البتنجان والمقورة ولا الحضور بس!!»
سؤال تانى معلش للشيف، لو الحضور بمريلة سادة ولا مش شرط»!!»
»هل ينفع اشترك ف الدوره اون لاين؟»
»لو سمحتوا كان عندى رغبة شديدة فى تعلم حشى ورق العنب، ممكن تخلوه الايفينت الجاى ده بقا قبل حشى البتنجان!!»
»انا مستعدة ادى الستات الكورس ده وببلاش مع حلة محشى كرنب وورق عنب هدية فى آخر الكورس أظن العرض ده أحسن يا بنات».
«يخربيت الضوحك دى مهزله»
«الحضور فورمال و لا ممكن بمريلة المطبخ عادى؟»
«معلش ممكن ادفع جنيه ونص وتعلمونى لف المحشى كمان»
«طيب اققدر بعد الكورس يبقى فى شهاده معتمده اشتغل ولا لا حد يطمنى على مستقبلى يا جماعة».
«كورس مثير للإهتمام فعلاً إحنا لازم نستفيد، بس 2.5 جنيه مش كثير شوية؟»
«مفيش كورس لف ورق عنب وتأوير كوسة!! الكوسة اصعب وبتتكسر بسرعة».
