أثار فيديو التحرش باحدي الفتيات بميدان التحرير أمس أثناء الاحتفال بتنصيب عبد الفتاح السيسي رئيسآ لمصر غضب نشطاء موقع التواصل الاجتماعي الفيس بوك حيث وصفوه بعار الاعلام المصري مطالبين السيسي بعدم السكوت علي مثل هذه الوقائع حيث تفشي مرض التحرش في مصر وانعدم الضمير وماتت النخوه وجاءت تعليقاتهم كالاتي:-
“ومن أهم سمات الشعب المصري انه متدين بطبعه”
“ماشفتش فيديو البنت اللى اغتصوبها فى التحرير بس قريت التعليقات اللى على الفيس ومش عارفه احنا كمجتمع ازاى هنقدر نتعايش بعد الحادثه ديه ؟؟ المطلوب قطع الاعضاء التناسلية للمتحرشين علشان يكونوا عبره لغيرهم بلد مافيهاش نخوه ولا دين ولا اخلاق”
“خلاص مافيش رجوله ولا دين والنخوه ذهبت ولم تعد حسبي الله ونعم الوكيل”
“ﻣﺎ ﺑﻴﻦ ﺷﻤﺘﺎﻧﻴﻦ ﻓﻲ ﺍﻟﺘﺤﺮﺵ ﺑﺠﺴﻢ ﺑﻨﺖ ﻓﻲ ﺍﻟﺘﺤﺮﻳﺮ ﻻﻧﻬﺎ ﻣﺆﻳﺪﺓ ﻟﻠﺴﻴﺴﻲ ﻭ ﺑﻴﻦ ﺧﺮﻓﺎﻥ ﺗﺒﺮﻳﺮ ﻓﺸﻞ ﺍﻟﺴُﻠﻄﺔ ﻓﻲ ﺣﻤﺎﻳﺘﻬﺎ ﻭ ﺍﺩﻋﺎﺀ ﺍﻧﻪ ﻓﻴﺪﻳﻮ ﻗﺪﻳﻢ ﻭﺍﻗﻒ ﻓﻲ ﺍﻟﻨﺺ ﺑﺘﻒ ﻋﻠﻰ ﺍﻻﺗﻨﻴﻦ ﻭ ﺭﻳﻘﻲ ﻧﺸﻒ ﻓﻲ ﺑﻨﺖ ﻣﺼﺮﻳﺔ ﺍﻧﺘﻬﻚ ﺣﺮﻣﺔ ﺟﺴﻤﻬﺎ ﺷﻮﻳﺔ ﻛﻼﺏ ﻳﺎ ﻋﺎﻟﻢ ﻳﺎ ﻋﺮﺭ ﻻ ﻳﻔﺮﻕ ﺍﻟﻤﻜﺎﻥ ﻭﻻ ﺍﻟﺰﻣﺎﻥ ﻭ ﻻ ﻫﻲ ﻣﺆﻳﺪﺓ ﻣﻴﻦ ﻭﻻ ﺿﺪ ﻣﻴﻦ ﻳﺎ ﻣﻌﺪﻭﻣﻲ ﺍﻟﻨﺨﻮﺓ”
“اللى صور الفيديو مريض و مجرم زيه زى اللى قام بالاعتداء اعلام عار”
كما أشعل تعليق المذيعه مها بهنسي علي الحادثه غضب نشطاء الفيس بوك حيث علقت من خلال برنامجها ” الرئيس السابع” علي حاله الاعتداء الجماعي قائله “مبسوطين بقي شعب بيهيص”
وجاءت تعليقات الفيس بوك كالاتي:-
“اعلام عار ومذيعه زباله , مافيش اسوأ من أن أمرأه تقف ضد أمرأه ”
“الشعب مبسوط!!!! دي مذيعة ولا قاعدة في بيت دعارة!! ايه العبط ده!”
كما علق أدمن صفحه ضد التحرش قائلآ” أغلب البنات اللى بتتعرض لإعتداء جماعى فى التحرير بيتم تجريدهم من ملابسهم كلها و بيكون على جسمهم نفس الكدمات و الحروق .. و بيكون واقفين نفس الحيوانات اللى بتصور البنت و هى عريانة
مخضوضين عشان المشهد قريب و شوفتوا أوى اللى بيحصل !!! عرفتوا المزبلة اللى احنا عايشين فيها اهلها عاملين إزاى!!
نفس البقر اللى قالوا قبل كدة ايه اللى وداها هناك هما هماهم على شكل بقر أكبر بيقول البنات بتهز وسطها
مجموعات التدخل ضد التحرش لما كانت بتشتغل فى التدخل فى الميادين كنا بنشوف المشهد ده مع كل بنت بنوصلها عشان كدة هتلاقى أغلب اللى كانوا فى مجموعات التدخل بيعيشوا حالة إكتئاب مزمن من اللى شافوه .. و من اللى بيكدبوهم و من اللى بيتاجروا بيه
متشيروش الفيديو و إحترموا البنت و مشاعرها و إحساسها إن مصر كلها شافت جسمها و هو منتهك””
