اندلعت ثوره إلكترونيه عبر صفحات موقع التواصل الاجتماعي الفيس بوك ضد الانبا بيشوى مطران دمياط وكفر الشيخ، ورئيس دير القديسة دميانة فى البرارى،فلم يمضي عامان على مطالبة بيشوى للفتيات المسيحيات بالتشبهة بالمسلمات فى لبس الحجاب مبررا ذلك بأن السيده العذراء تظهر دائما بغطاء على راسها وملابس طويله ,ليٌصدر قرارًا فى نطاق أبروشيته أمس الخميس، بمنع الفتيات فوق سن ال11 سنه بلبس البنطلونات والبلوزات ووضع مساحيق تجميل خلال صلوات القداس الالهي ,وهو ما سبب حالة من الغضب داخل الوسط الكنسى، خصوصًا من النساء، ليس فقط عل نطاق ابروشيته، بل فى أبروشيات أخري مما دفع نشطاء الفيس بوك من الاقباط بمهاجمته .
وجاءت تعليقاتهم كالاتي:-.
“يا انبا بيشوي هو انت ايه حكايتك مع الستات وكارهم ليه كدا”
“الازمه ليست فى القرار وكلنا نؤيد الحشمه فى العقل والقلب قبل ان يتم اختزالها فى ” ملابس ” ، المسيحية حسب معلوماتى المتواضعه لا يوجد فيها حلال وحرام وانما ” يليق او لايليق ” فهل مثلا شرب السجاير وادمان الخمور والاباحية يليق بخليقة الله ؟؟ بالطبع لا ونفس الامر ينطبق على الملابس هل يليق ان ندخل فى حضرة الله بملابس لا تليق ؟ بالطبع لا ، والاسر المسيحية تعود بناتها على ذلك فدائما ترى الاطفال يتسابقون للحصول على ” ايشارب ” قبل بدء التناول وتغطية رؤسهم ومعظم الفتيات تمسح المكياج _ ده اذا كان فيه واحده بتحط اصلا الصبح _ مكياج بالشكل المبالغ فيه“
“يعنى المهم انها لا ترتدى بنطلون . يعنى ممكن مينى جيب عادى مفيش مشاكل“
“ودة ينفع ؟ وفين البابا ؟“
“الكلام ده مش محتاج قرارات كنسية !! محتاج أخلاق وإحترام البنت لنفسها وللمكان اللي هي رايحاه“
“فكره حلوه يبقى نلبس جيبه و ابونا يخصص لنا بودى جارد منعا للتحرش واحنا رايحين الكنيسه“
“قرارات الأنبا بيشوى الأخيرة إللى قال فيها إنه مش هيسمح بدخول الستات الكنيسة بالبنطلون والبلوزة، وبيطالبهن بلبس محتشم، إللى هى إيه، مش عارفة؟ بس الإجابة بناء على تنبيهاته دى، هى الفساتين، لكن هنقول إيه؟ يهده التحرش”
“الدولة البيشوية فى دمياط وكفر الشيخ)، يخير المسيحيين بين ارتداء العبايات، وبين مغادرة دمياط فى الحال”
“عزيزي الأنبا بيشوي .. الأخوة في داعش يرحبون بك دافعا للجزية مقيما للعهدة العمرية في ذمة المسلمين، إلحق بهم وتذكرة طيرانك عليا“
“ارجع ديرك يابيشوي وحياه اغلي حاجه عندك”
