دشن نشطاء موقع التواصل الاجتماعي الفيس بوك هاشتاج بعنوان” مش احسن مانبقي زي سوريا والعراق” وذلك بعد تفاقم أزمه إنقطاع التيار الكهربائي خاصه بعد إنقطاع الكهرباء في جميع نواجي الجمهورية تقريبآ فجر الخميس الماضي والذي استمر لساعات طويلة مما دفع نشطاء الفيس بوك إلي إطلاق استغاثات ساخره وتعليقات وكوميكسات ساخره انتشرت عبر صفحاتهم علي الفيس بوك
وجاءت تعليقاتهم كالاتي:-
“ملخص كلمة السيسى: مفيش مش قادر اديك..هتاكلوا مصر يعنى…الشعب هو اللى لازم يحل الازمة الحكومة ملهاش دعوة…تقشفوا تصحوا…ايه البذخ اللى انتم عايشين فيه ده”
“في ايه ياجدعان وايه ياعني النور لما يقطع مش احسن مانبقي زي سوريا والعراق الله يخربيتك ياللي في بالي”
“كل شويه النور بيجي النور بيجي ايه دا الواحد مايعرفش يستمتع بالضمه شويه”
“النور مقطعش من الساعة 7 الصبح لحد دلوقتى انا كده بدات اتوغوش”
“ياجماعه النور ماقطعش لغايه دلوقتي ليه انتو ماتدوش العشين جنيه للواد اللي بيفصلها ولا ايه”
“النور قطع والميه قطعت والغاز لسه موجود دا استهتار شركه الغاز مش شايفه شغلها كويس”
“وزير الكهرباء الزياده السكانيه السبب في زياده احمال الكهرباء وانقطاعها , طيب ما لضلمه هاتزود الزياده السكانيه ياجدع”
“ايه اخبار الكهربا ؟؟ قاطعه !!.. طيب وايه اخبار مراره المصريين؟؟ اتفقعت كلها !!!”
“محمد شاكر وزير الكهرباء كان نازل علي قوائم الاخوان في نقابه المهندسين عام 2011 .سامعك ياللي بتقول نظرية المؤامرة”
“ماهو ماينفعش قطع الكهربا بالطريقه دي .. حنفي ي ي ي… خلاااااااص تسلم الايادي”
“قولو للسيسي واللي معاه جبنا اخرنا وعهد الله”
“لو النور او المياة قاطعة عندك طول اليوم ابقى شغل تسلم الايادى او بشرة خير 3 مرات هتلاقيها جت علطول”
“يقطعوا الكهربا طول اليوم و يرجعوا يسألوا عن الزيادة السكانية”
“في الضلمه مصر تحقق الاختفاء الذاتي”
“يعني مصر كلها مفيهاش خبير كهربا كويس يقولنا ايه الحل ؟ الحل الوحيد اننا ممكن نقول أن غضب الاله حورس علي مصر هو السبب الرئيسي في قطع الكهرباء الخميس الماضي ولازم نصدق نفسنا ”
“قطع الكهربا يوم الخميس اللي فات في اغلب مناطق مصر في واحد دي رساله من الاله حورس علشان يقول انه مش راضي عن اللي بيحصل في ..مش راضي عن ان الرئيس مبارك ترك السلطه ومش راضي عن حاجات كتير بتحصل وعن استهتاركو برسايله,الاله حورسغضبان من اللي بيحصل في مصر وانا قولت ابلغكم”
“من الاله اخناتون إلي الاله حورس افتح الكهربا والنبي احنا سحنا ياعم”
“طيب ماتقول لحورس يجي يمسك البلد بدل ماهو بيراقبنا من بعيد ومبهدل ابونا في الحر دا”
“احنا اسفين ياحورس “
