أثار خبر أرتفاع تذكرة مترو الأنفاق حالة من الغضب والبلبة عبر صفحات موقع التواصل الأجتماعي الفيس بوك , وكان قد تداول نشطاءالفيس بوك خبرآ بعنوان “وزير النقل يعلن عن قيمة خيالية لتذاكر المترو!”
وتقلا عن المصري اليوم فقد قال المهندس هاني ضاحي، وزير النقل، إن السعر العادل لتذكرة مترو الأنفاق 25 جنيها، مضيفا أن ذلك هو سعر التكلفة الذي تتحمله الدولة عن كل تذكرة. موضحآ خلال مؤتمر صحفي اليوم الاثنين، أن زيادة أسعار تذاكر المترو لا تزال قيد الدراسة
مما دفع نشطاء موقع الفيس بوك باطلاق تعليقاتهم الساخرة واللزوجة بالغضب مؤكدين أن هذه الأسعار خيالية ولا يمكن تطبيقها مناشدين السيد الرئيس عبد الفتاح السيسي بنفي هذه الأخبار التي أفزعت قلوب المصريين الغلابة , فيما علق أخرين بسخرية قائلين “مش أحسن مانبقي زي سوريا والعرق”
وجاءت تعليقتهم كالاتي:-
“عشان التذكره لما تبقي ب 3 جنيه نقووول احسن ماتبقي 25 ، سوريا و العراق استايل!”
“هذا الوطن لم يجد من يحنو علية”
“ياسيسي ي ي ي والنبي اطلع كذب الاخبار دي قلبي الصغر لا يحتمل”
“ياسيسي حرام المصريين غلابه هايدفعو 25 جنيه في تذكرة المترو ليه ارجوك خد موقف حاسم في الاشاعات دي واطلع انفي”
“استحالة ياجدعان 25 جنيه لييييييييه انا بقبض كام 25 جنيه قلبي قلبي قلبي ”
“البيه بيقول المترو بيحقق خسائر تشغيل 180 مليون جنيه فى 2014 ,طب مع متوسط 3 مليون راكب يوميا للمترو لو زودت ( 50 قرش ) بس هتعمل زيادة ( 1.5 مليون جنيه ) يوميا , ولو حسبتها على متوسط السنة هتبقى ( 540 مليون جنيه ) يعنى تغطى ال خسارة وتعمل صافى ربح 360 مليون جنيه كمان …. دول بأة ادفعهم ارباح 11-12 شهر مكافات للعاملين فى المترو , وعلى قيادات المترو كام مليون جنيه للمجهودات الغير عادية , ووزع على قيادات الوزارة بدلات و علاوات كام مليون جنيه هتلاقى اخر السنة المترو برضه خسران 200 مليون جنيه , والشعب برضه هو اللى لبس”
“ايه الاستعباط ده…. الراحل بيقول التكلفه الحقيقه وليس قيمة الرفع الجديد…”
“الراجل ده عبيط و اهبل و مش فاهم … أنزل اركب المترو كتلة غباء و انت تفهم ان المواطن المفروض ياخد مقابل ركوبه وسيلة التعذيب البشري ….”
“وانا لو معايا ادفع 25 جنيه في تذكره مترو هقعد في ام البلد دي ليه”
“هو عاوز يخلي الدنيا تقوم علي الرئيس… وزير حمار بجد ماتطلع تكذب الخبر ياريس ”
“ياسيس ي ي ي المترو ديمواصلة الغلابه حرام عليكو تخلو التذكرة بالتمن دا”
“طيب لو واحد بيقطع تذكرتين في اليوم يعني الدوله بتدفع ليه 48 جنيه في اليوم اذا في الشهر 1440 طيب مانقعد في البيوت وده الراتب الي بناخده من الحكومه واعلي من راتب الي بياخده الشاب بالضعف”
“هو الخبر دا بجد ولا رامز جلال عامل فينا مقلب”
“ياجماعه دي الحكومه بتعمل فينا الكاميرا الخفية احتفالا برأس السنه”
