عقب فوز نادي الزمالك أمس وحصوله علي الدوري المصري, وذلك بعد أن تعادل الأهلي مع سموحة بنتيجة إيجابية هدف لهدف, بملعب بتروسبورت,سادت حاله من السعادة عبر صفحات مشجعي نادي الزمالك عبر موقع التواصل الاجتماعي الفيس بوك, وتأكيدآ علي تمتع الشعب المصري بخفة الظل والروح الرياضيه تبادل جمهور نادي الزمالك التعليقات الساخرة من فوز ناديهم بدلآ من السخريه من خصمهم جمهور النادي الاهلي, وعلي النقيض تماما فقط تجاهل مشجعي الأهلي فوز الزمالك وأطلقوا التعليقات والكوميكسات الساخرة تعليقًا على الفوز الرسمي لنادي الزمالك ببطولة الدوري المصري الممتاز، للمرة الأولى منذ بطولة عام 2003-2004
وجاءت تعليقات الفيس بوك كالاتي :-
“متخليش فوز الزمالك بالدوري ينسيك إن مرتضى منصور شتم على شهداء مجزرة الدفاع الجوي وقال عليهم شوية بلطجية .. مبروك للزمالك مش لمرتضى .. وربنا يرحم شهداء بورسعيد وشهداء مجزرة الدفاع الجوي”
“سارة سلامة ع الانستجرام … طلعت زملكاويه الخبر ده احلى من الدورى نفسه”
“اللهم فرحة زي فرحة الزمالكاوية انهاردة”
“ياريت يا زملكاوية تفرحوا في صمت فهناك أهلاوية تتألم”
“وهي دي الروح الرياضيه فعلا .. هتموتو من الغيظ ياعيني .. الزمالك البطل”
“نادي الزمالك بطل الدوري المصري الممتاز لموسم ٢٠١٥/٢٠١٤ … الف مبروك”
حرقان كتير الفتره الجايه معندكوش اى جديد والله غيرو بقه ناس مبسوطه وفرحانه حتى لو كان اول دورى ليهم شاغلين نفسكو ليه”
“هو الواحد كان بيحتفل بالدوري ازاي ياجدعان”
“انا نسيت كنا بنحتفل بالدوري ازاي كفااااااااااارة”
“هو الاحتفال بالدوري ازاي ..انا نسيت”
“هما اللي بيخدو الدوري بيعملو ايه ياجدعان قلبي هايقف مـ الفرحة”
“الدرع فييييين يا اهلاويه هاتو الدرع”
“بصو انتو تعملو نسخة للدرع وتخلوه عندكو علشان احنا مقدرين الصدمه”
“هي جماهير الاهلى مضايقة نفسها ليه الزمالكاوية يفرحوا ولا يتشقلبوا حتى … يا عم ما تخليك في حالك و ابعت الدرع اللى عندك والنبي”
“ملحوظة غالبية اللاعبين …سنة اولى بطولة وتعتبر دي اول بطولة في حياتهم يعني لسه طازة”
“من غير زعل لازم الاهلوية يعترفوا انهم حلموا ان الزمالك هيخسر ال ٦ نقاط … واحنا كازملكاوية مكناش مستبعدين الكلام دا لأننا عارفين الزمالك وقدراته الخارقة على تنفيذ هذه الفصول …. لكن الفرحة ان الجميع أتعمل له إفاقة من التخدير”
