«لا قولولهم المصريين عادى ممكن تعملوا المنتج 90% منه بلاستيك عادي»، هكذا سخر رواد موقع التواصل الاجتماعى (فيس بوك) من واقعه سحب شيكولاتة “سنيكرز” و”مارس” من السوق المصرى، بجانب بعض الأسواق الاخرى، وذلك عقب بلاغ تقدمت به إحدى السيدات لعثورها على قطعة من البلاستيك داخل لوح شيكولاتة.
واطلق رواد فيس بوك وابلاً من التعليقات الساخرة، مقارنة بأحوال المصريين، وما يتعرض له رغيف العيش من انتهاكات، وخلط مياه الصرف الصحى بمياه الشرب وغيرها من المشاكل والصعاب التى يواجهها المصريون بصدر رحب وبسخرية شديدة.
وجاءت تعليقاتهم كالآتى:
«حضرتك فاهم المصريين غلط أنت لو عامل نسبة 99% بلاستيك و1% أسمنت وعملت غلاف يوحى أنه شوكولاتة هتلاقينا بنعاير بعض وبنقول أنا باكل شوكولاتة مارس.. سيبوها واسحبوا مرتضى منصور بالله عليكم».
«لقوا فيها قطعة بلاستيك سحبوها من 59 دولة، أومال فين بتوع كوكا كولا وفانتا اللى الناس بتلاقى فيها صراصير وابراص».
«قرروا سحبها من السوق عشان واحدة اشتكت أنها لقيت قطعة بلاستيك جوه الشيكولاته، فين أصحاب الضماير الصاحية اللى عندنا ييجو يشوفوا»
«طب ما فيش حد عاوز يسحب أم العيش البلدى من قفاه؟؟!! أنا اليوم اللى ما بلاقيش فيه مسامير وبلاستيك بتاع شكارة الدقيق وفتل دوبارة باستغرب وبخاف اكله ليكون فيه سم مخفى مش ظاهر علشان اشيله».
«انتم فاهمين المصريين غلط خالص.. المصريين بيتعملوهم كل شيء مخصوص ليهم بعكس المقاس وهما بيستحملوا وهنروح لبعيد ليه بصوا لأكل وشرب وحكومة المصريين.. طب بصوا لمرتضى ده كفيل أنه يعرفكم اد ايه المصريين بيستحملوا».
«مش الوزير مرة طلع وقال اطمنوا فيرس زيكا استحالة ينتشر بمصر عشان دة بيعيش على المياه النظيفة اه والله ياشعب معفن! دى الولية لقت بلاستكايا شوفوا عملوا اية اسمحولى بقى بالشتيمة دى يا مسئولين».
«لا قولولهم المصريين عادى اوكيه ممكن تعملوا المنتج 90% منه بلاستيك عادي».
«ياراجل ده علشان حتة بلاستيك احنا عندنا بياكلونا الأكل بالحشرات عادى ولا حاجة بتحصل».
«زمان التجار خبوا كل علب الشكولاتة… اللى عندهم… ومش بعيد يرفعوا السعر بحجة نفاذها من الأسواق…. المصرى عظيم طول عمره… بلاستيك اية اللى هيهزه…».
«ياعنى احنا بناكل مسامير فى العيش وبنشرب ميه مجارى.. وخضار مرشوش مبيدات.. هانتأثر بحته بلاستك المصرى عظيييييييييييم من يومه».
