الحقيقة أنا مش عارفة أبدأ منين ولا أقول إيه مواقف كتير أوى منها المضحكة والمشاكسات والهزار والخناقات.. وفجأة كده كل ده يختفى مرة واحدة يا بدوى، طيب ليه مستعجل على فراقنا كده ربنا يرحمك يا صديقى يا ذو الوجه البشوش اللى مفيش حد اختلف عليه.
ولا نقول إلا ما يرضى ربنا إنا لله وإنا إليه راجعون ويعوضك خير فى الجنة عن شبابك وأهلك وزوجتك وأولادك ويصبرهم جميعا على فراقك ويصبر كل أصحابك وأحبابك اللى مش مستوعبين لحد دلوقتى إنهم مش هيشوفوك تانى.
غيابك المفاجئ أثر فينا كلنا يا بدوى وعرفنا إن الدينا بتضحك علينا فى مشاغل فاضية وإن مفيش حاجة تستاهل.. ربنا يجعل كلامنا شهادة لك عند الله عز وجل وشفاعة ويجعلك فى أعلى درجات جناته يا صديقى.
