الفيس بوك يقذف “العادلي” بتعليقاته الساخرة

أثار دفاع حبيب العادلي وزير الداخليه الاسبق أمس أمام هيئه المحكمه سخريه نشطاء موقع التواصل الاجتماعي الفيسبوك .
وكانت قد عقدت محكمة جنايات القاهرة المنعقدة بأكاديمية الشرطة محاكمه القرن ،والتي دافع من خلالها حبيب العادلي عن نفسه عقب إنتهاء دفاعه في قضيه إتهامه بقتل المتظاهرين ,والمتهم فيها ايضآ الرئيس الأسبق محمد حسنى مبارك ونجليه جمال وعلاء مبارك وستة من مساعدين العادلي لاتهامهم بقتل المتظاهرين إبان ثورة 25 يناير .
وجاءت تعليقات نشطاء الفيس بوك كالاتي:-
“حبيب العادلى : روحت سألت الرئيس مبارك هو الكلام اللى فى الشارع عن التوريث ده صح ؟ رد عليا وقالى : ايه التوريث ده ؟”
“العادلي بتنظيف الميدان مساء25 يناير لاستقبال المتظاهرين في اليوم التالي …وحياه امك”
“ياجماعه كل اللي بيقوله العادلي دا صح الصح دول شالونا من علي الارض شيل لدرجه ان في مننا مات من كتر الفرحه ”
“ايون ياجماعه صح اللي بيتقال ده مش رشوا علينا ميه وفرقعو فينا قنابل غاز علشان يبخرونا”
“هو العادلي منشحك ليه كدا وهو بيتكلم ”
“تحس ان العادلي بيتكلم في صاله بيتهم مش في المحكمه”
“مش عارف ليه حاسس ان العادلي هايبصلنا في الاخر ويوقولنا راجهلكو ياولاد التييييييييييييييييييت”
“العادلي ومبارك وباقي الشله كانو محتاجين محاكمات ثوريه ”
“”الطلقه خارجه م المصنع ربنا كاتب عليها اسم صاحبها ولوخفت مش هتموت شهيد زي اخواتنا الشهدا اللي ماتوا” من اقوال مولانا الامام العارف بالله حبيب العادلي”
“العادلي وهو بيتكلم تحس ان النور بيشععععععع من وشه ياجدع احنا شعب وحش اوي اوي “