“اعطنى اعلام بلا ضمير … اعطيك تقول ماخدتش” هكذا سخر نشطاء موقع التواصل الأجتماعي الفيس بوك من ما اطلقو علية تسريبات مكتب السيسي , وكان قد تداول نشطاء موقع الفيس بوك تسريب صوتي للواء عباس كامل مدير مكتب السيسي والعقيد احمد علي المتحدث العسكري السابق , والتي عُرضت علي قناة “مكملين”, مما تسبب في حالة غضب وإنقسام بين مستخدمي الفيس بوك إلي فريقين منهم من يؤكدون صحة التسريبات , ومنهم من أكد عدم صحة التسريبات .
وجاءت تعليقاتهم كالاتي:-
“انا ايه اللى يؤكدلى انه ده صوت عباس كامل ده !!!! و ايش عرفنى انه بيكلم احمد على ده كمان…انا سمعت الفيديو مافيش اي شيء توضح هوية اللى بيتكلم و لا اللى هو بيتكلم معاه……يعنى انا ممكن اعمل بكره فيديو بصوتى و انزله على انه اى حد تانى و خلاص….انا اشك فى الفيديوهات دى كلها”
“تلاقي عمرو اديب والحيزبون مراته عاملين مناحه دلوقتي عشان تسريب مكتب السيسي مجابش سيرتهم”
“عباس كامل الانسان يحب يقول ايه لعباس كامل المفضوح”
“عباس كامل الراجل اللي ورا السيسي”
“رسالة للادمن اللي يصدق جماعة من اول يوم كذابين و يتاجروا بدين الرحمن و نهجهم القتل والعنف و يصدق منهم حاجة بعد كل دة يبقا لا يفرق عنهم شيء”
“احب اهني الكفتجية اللي مش مصدقين تسريبات السيسي مبروك عليكو الخازوق”
“طب سؤال ليه الخرفان مطلعوش الفيديوهات دي من زمان ا>ا هي متسجلة اول ما السيسي انتخب ؟ وازاي سجلوها اصلا ده لو رصد قاعدة معاهم مكانتش عرفت تجيب التسجيلاات دي انا متأكد انها متفبركة”
“اعطنى اعلام بلا ضمير … اعطيك تقول ماخدتش”
“يسري فودة ريم ماجد باسم يوسف واي حد ابعدوة بالقوة هما دول اللي فاضلين”
“اجرى ورا الخرفان و اسمع تسريباتهم .. خليك خروف زيهم”
“فاضل مييين نضيف وعندة مبدأ غير البرادعي وحمدين”
“بس توفيق عكاشة موقفه ايه ؟؟؟؟؟؟ لا يطلع ثورى واحنا ظلمينه”
“يعنى ايه كوفتجى ؟
يعنى يسمع تسريب لنشطاء “اشخاص عاديين ومش فى اى منصب” يقلب الدنيا ويطالب باعدامهم ..ولما يتسرب لجنرالات بتلعب فى البلد من تحت لتحت فى كل مفاصل الدولة يقوم يعمل من بنها”
