“كل مايبقي عدد الشير بيزيد كل مافرصه الشرطه في القبض علي البلطجيه بتزيد ابرز بوستات الفيس بوك “
يبدو أن مهام الشرطه المصرية أصبحت مراقبه معارضين دكتور مرسي عبر المواقع الالكترونيه ونقلو عملهم من الشارع وتأمنيه الي النت فانتشرت صوره ضوئيه من صفحه الشرطه المصريه علي موقع التواصل الاجتماعي الفيس بوك تجمع فيها صور بعض البلطجيه ممن شاركو في أحداث الكاتدرائيه المرقسيه بالعباسيه يوم الاحد الماضي كما ذكرت اسم احد المجرمين يدعي كريم بسكوته “بعنوانه بالتفصيل كما ذكرو أنه شارك في احداث العباسيه السابقه, وعلق أدمن الصفحه “ننشر الادلة حتي لا يُصنع منهم ابطالً و هم مجرمين..وشيير” مما أثار غضب شباب الفيس بوك متسائلين في سخريه لاذعه هل الشعب سيتولي مهام الشرطه في القبض علي المجرمين بينما تقوم الشرطه بنشر معلوماتهم علي مواقع التواصل الاجتماعي فقط ,وجاءت تعليقاتهم كلاتي :
شيييير! انت بتهزر امال انتوا تعملوا ايه .. طيب احنا بنشير علشان يوصلكم صورهم . لاحول ولا قوه الا بالله .. شير يابني خالي صفحه اساحبي هي الي تقبض عليهم .. العوض عليكي يا بلد”
” ياباشا لما حضرتك تطلب مننا اننا نشير الادله ونمسكهم اومال ساعدتك هتعمل ايه انت واللى زيك احيه عليا”
طب حضرتكم قبضتوا عليه و لا ده البوست الجاي؟””
“” انتوا عايزن انشراح تيجي تشكرلكو هنا ؟ اومال مين اللى هيقبض عليييييييييييييييييييييييه ؟ناخد الناس من الجروب ونجيب عربية متبرع ونروح نقبض عليه ؟؟؟”
انتوا حقيقي ولا بجد؟ حد يخدعني ويقولي أن الناس دي بتهزر ياجدعاااااااان””
“طيب هي الشرطه اجازه النهارده علشان كدا مش هاتنزل تجيبهم ومفوضنا مكانها ولا ايييييييه ..انتوا بتهزرو”
وربط احد الشباب بين الصوره وبين قانون الضبطيه القضائيه ” أنتوا بتفعلو قانون الضبطيه القضايئه ولا ايه ؟”
“كل مايبقي عدد الشير بيزيد كل مافرصت الشرطه في القبض علي المجرمين بتزيد… خليكم ناصحين دا استفتاء علشان بس يبقوا بيطبقوا الديمقراطيه بحزفيرها “
الطريف أن أدمن صفحه الشرطه المصريه أوضح غضبه من تعليقات الشباب معلقآ” كفاية استظراف احنا بننشر فقط عشان نظهر الحقائق عملية القبض دي حد طلبها منكو؟؟؟ مش كل واحد يروش بقي”
