“أسف ياريس” تنشر فيديو لمبارك يرد علي ارتفاع الاسعار

نشرت صفحه “أنا أسف ياريس” فيديو للرئيس المخلوع محمد حسني مبارك بعنوان “مبارك –كانو عايزني أرفع سعر البنزين والكهربا 100% قولتلهم ابدآ”
وعلق أدمن الصفحه قائلآ ” الرئيس مبارك يرد على رفع الدعم وزيادة أسعار البنزين والكهرباء ”
وقال مبارك خلال خلال الفيديو :”كان مطلوب مننا أول ما أبتدينا عاوزين يزودوا سعر الطاقة ” البنزين والكهرباء والسولار” 90 % سانوياً لمدة 4 أو 5 سنوات ” قولتلهم أبداً” ويستكمل : تصور لما تزود سعر الطاقة 100% كل سنة شوف الاسعار كلها هيترتب عليها أية ” بنزين وكهرباء وجاز” و كل شيء !”
ونال الفيديو 1580 إعجابآ ,و2306 شخصآ نشر الفيديو ,فيما اثار الفيديو مشاده بين مؤيدي مبارك وبين معارضيه
وجاءت تعليقاتهم كالاتي:-
:ولا يوم من أيامك ياكبير”
“كان انسان محترم”
” معلش مبارك كان حايش عننا بلاوى كتير واوعى حد يقول كان وكان بجد ولا يوم من ايامك با مبارك الله يرحم ايامك وعمرنا ما ابطرنا عليك وحسبنا الله ونعم الوكيل فى النكسة اللى اسمها 25 يناير واللى عملوها واللى كانوا ورائها.”
” منتا السبب فى كل اللى احنا فيه يا عم حسنى منتا لو كنت عدلت مكنتش دا حصل محدش يرد على تعليقى عشان مش هيغير اسلوبى ولا هيغير فكرى كل واحد فى نفسة لو كان عادل كان بنا مستشفى محترمة حتى كان يتعالج فيها و الناس تتعالج بيروح يتعالج برة و الناس بتمووت عشان كيس دم عهدك ضياع و عهد كل من بعدك ضياع بسببك”
” كلام فارغ …وسياسات مبارك الاقتصادية لم تكن صحيحة وهي السبب الرئيس لما نعانيه الآن ناهيك عن الفساد الذي استشرى في آخر عقد في عهده…بالأخير آخر العلاج الكي ومااتمناه هو التركيز على القادرين والبعد عن الغير قادرين وان يتحلى المواطن بقدر كبير من المسؤلية في استهلاكه وتصرفاته واخلاقياته..واللهم وفق مصر واهلها الى الخير حيث كان .”
” يارب يشفيك ويعينك على اللى انت فيه ويسترها على اللى جاى ويكون فى عون الرئيس السيسي”
” حسنى مبارك هو السبب الرئيسى فى الديون ال على مصر وعجز الموازنة للدعم ياادمن يابن الجموسة متشتغلش نفسك ومبارك ال سرق خير مصر وعيشها على الشحاتة والمعونات عشان يحطهم فى كرشة وكرش رجال الاعمال”
” حقا الشعب يريد مبارك من جديد يرحم أيامك يا بطل”
” وسيحكم التاريخ عليك عليك وعلي غيرك”
” فعلا كنت عارف تديرها ؛…. صحيح كانت بتتسرق بس مش ربع اللى بيحصل اللى نهاردة … احنا وصلنا لدرجة ان اروحنا نفسها بدات تتسرق”
” احلى ايام عمرى عيشتها وانت رئيس لمصر … ربنا يشفيك ويزيح عنك المرض”