انهالت التعليقات و الكوميكسات الساخرة علي قرار براءة مبارك الرئيس السابق و حبيب العادلي وزير داخليته الاسبق و6 من معاونية من تهمة قتل المتظاهرين , وتهمة تصدير الغاز لاسرائيل,مما أشعل ثورة إلكترونية عبر صفحات موقع التواصل الأجتماعي الفيس بوك , وعبر الشباب عن خيبة أمالهم وحزنهم الشديد, ودعو للنزول إلي ميدان التحرير وإشعال ثورة أخري للقصاص لدم الشهداء الذي روي شوارع و ميادين مصر .
وجاءت تعليقاتهم كالاتي:-
“مفيش واحد خد يوم مع ايقاف التنفيذ حتي…برااااااااءة عادي كده…دي بجااااااحة مش براءة … ومش بعيد يطلبوا رد شرف وتعويض..هاقول ايه.. الله يرحمك يامايكل ..انا آسفة ياصديقي”
“وليه بقى ميكونش حوار 28 نوفمبر ده اختراع من اختراعات الجبش. .يضخموا فيه ويضخموا فيه عشان نقول الجيش نزل ومصر اتأمنت بفضل الجيش وقضينا على مخططات اﻷخوان لترويع المواطنين عشان ف اﻷخر لما مبارك والعادلى ياخدوا براءة محدش فينا ينطق”
“الثورة الجاية مش بعيد … بس المرة دي مش ثورة فرافير بتوع العيش والحرية والكرامة … المرة دي هتبقا تار .. الثار ده غريزه ربنا خلقنا بيها ميعرفش سن ولا مستوى اجتماعي .. والف من له تار ف البلد يا كبير …”
“الواضح ان الناس الي ماتت في ٢٥ يناير دول انتحرو ….. علي شان اكتشفنا النهاردة ان الي في السجن دول مظلومين وطيبين قوي يا خال”
“أمل ماهر عاملة أغنية بتقول: احنا ولاد النهاردة ومسمحاك على اللي عدى
على رأي صديقي” أشرف ضمر ممكن تبقى نشيدنا الوطني
“مبارك عامل مداخلة مع احمد موسى !!!!!!!!!!!
اقســـــــــــــــــم بالله دي لو مسرحية هزليه زبالة النهاية مكنتش هتبقى بالوساااااخه دي”
“اليوم تبين ان الحكم الذي اصدره ثوار ليبيا على القذافي كان عادلاً و ان محاكم مصر همجية ظالمة”
“اختلفت الوجه والكل اصبح مبارك . لافرق”
“قال واحنا فرحانين ان احمد موسي اخد على قفاه .. بالنسبة للخابور اللي لبسنااه دة بقي
احمد موسي هايحفل علينا عندة حق الصراحة”
“انا عرفت دلوقتي ليه سموها محاكمة القرن ملعوبة”
“مبارك اخد براءة في قتل المتظاهرين وعلاء عبد الفتاح خد ١٥ سنة علشان تظاهرة ضد المحاكمات العسكرية”
“دا لو كان بيلعب الشايب كان خد حكم اقوى من كدا احنا شعب حلو ”
“طب اسحبو رخصة طيب اي حااااجة ياجدعان عيب مش كدا”
“قلبي ومفتاحه ياولاد الايه في مسا وصباحة بيقلو احيييييييييييه
حال الشعب المصري للنهاردة ”
“سيذكر التاريخ ان مبارك هو صاحب اوطلعتين في التاريخ ..طلعه الطيارة في 73 , وطلعه زي الشعرة مـ العجين في 2014”
