زوج يُصالح زوجتة بلافتة رومانسية ..والفيسبوك :”انا جوزي بيجبلي جوز شرابات وبيذلني بيهم سنه”

في ظل ما نحياة من ظروف أمنيه صعبة, ومن ظروف طقسية أصعب طغي الطابع الرومانسي علي كل هذه الأحداث ,فقد تداول نشطاء موقع التواصل الاجتماعي صورة تحمل عبارات رومانسية من زوج لزوجتة يعتذر من خلالها لزوجته عن إنشغاله عنها ويهنئها بعيد ميلادها , ونالت الصورة إعجاب نشطاء الفيس بوك خاصة من السيدات وسخرت إحداهن قائلة “إنت لو في منك اتنين في مصر ماكنش في ست هاتبقي مضايقة ولا متنكدة ابدآ” , بينما سخر الرجال مستنكرين مافعلة الزوج
في حين علق عمر علي صاحب اللافتة الرومانسية قائلآ “ايوه اليافطه بتاعتي….وانا اللي عاملها….واللي مش عاجبه يولع في نافسه بجاز….او يعمل احسن منها لمراتو,مضيفآ و بالنسبه للحلاليف اللي بتقول كان جبلها 2 كيلو كباب و كفته….دا حضرتك لمه تكون متجوز بقره مش انسانه”
وأكد علي أن الرجوله مش اني اضربها و لا اشتمها…اذا كنت فاهم الرجوله غلط مش ذنبي انا انسان سوي.
بينما علق نشطاء الفيس بوك كالاتي:-
“الرجل الذی يعامل زوجته كامیرة…يبقي تربية ملكة…تسلم ليك وتسلم ليها…وماتعملهاس تانی…حطهافي عنيك”
“دا انت بتطلق رصاااص مش بتكلم الله ينور”
“الرجولة مواقف يا صديقي.. وأنت أهل لها”
“واااااو…..مفيش احلى من راجل بيحب مراته”
“الأمل موجود يا جماعة”
“ماتيجي نعمل عملية تبادل ازواج ”
“احية دا انا متجوزة بواب ”
“وانا لما بيجبلي جوز شرابات جديد بيذلني بيهم سنه بحالها”
“الراجل دة عايش هنا يااخوانا”
“الرجالة اللي زي كدا لازملهم محمية طبيعية”
“دا الوقت اللى تغضب من جوزها يجى يصالحها تشترط عليها: تعتذر رسمى بيافطة على الدائرى”
“أراء على فكره كل واحد بيعبر عن مشاعره بطريقته الحب عمره ما كان فضيحه”
“ياعم عمرو كدا هايخدو علينا ”
” انت بتفتح عنيهم ياعم حرام عليك”
“الواحد بتمن اليافطة دي كان جاب 2 كيلو كباب ولتر بيبس احسن”