“أنتي عايزة تكرهينا في مصر ليه” تعليق من ضمن التعليقات التي أنتشرت مؤخرآ لمهاجمة ألأعلامية ريهام سعيد مٌقدمه برنامج “صبايا الخير” علي فضائية النهار,خاصة بعد عرض حلقتها الأخيرة عن “مس الجن” التي تم إذاعتها مساء الأربعاء الماضي,وناقشت من خلالها مس الجن لخمس شقيقات والتي وصفتها بأنها للكبار فقط.
مما دفع نشطاء الفيس بوك لاطلاق وابل من التعليقات والكوميكسات الساخرة من الحلقة , وأتهموا ريهام سعيد ساخرين بأنها السبب في ضياع النوم من أعين المصريين والتسبب لهم في حالة أرق مزمنة
وجاءت تعليقاتهم كالاتي :-
“والله كل الاعلام المصري فبركه وكدب”
“مش عايزين الحقيقه عايزينك تظهري بلدك في احسن صورة بس مش اكتر”
“ال مشكلة مش فى ريهام المشكلة فى ال سببتو ريهام فى الشباب ال فوق ال 20 سنة يراجل دة بخاف انزل من ع السلم والنور مقطوع”
“ريهام سعيد:يا خلق لو هتناموا لأ لثواني متناموش..والجن ابن العفريت اللي ميتشافش ككشفته وشفته”
“الشخص الي صدق حلقه ريهام سعيد هوا نفس الشخص الي صدق جهاز الكفته بتاع عبد العاطي”
“بغض النظر الحلقه فيك او ﻷ طب يعني الجن دول مش اذكيا حد يسيب نسوان لوز اللوز زي كيم كارديشيان ونانسي عجرم والنسوان الجامده دي ويلبس ناس من طنطا الجن ده عبيط والنعمه فقر”
“حتي الجن علمتوة التحرش”
“الست دي لازم تتحاكم بتهمه اشاعه الكذب والجهل والخرافات بين الناس .”
“والله احنا لو دوله محترمه كان المفروض الست دى تدخل مستشفي الامراض العقليه”
“الحل الوحيد لحل مشكلة #ريهام_سعيد و #سما_المصرى ، انهم يعملوا حلقة مع بعض ونزرعلهم حته حشيش ف الاستديو او مش شرط حشيش نحطلهم صور #رابعة ونرتاح من الاتنين”
“برنامجي مبقاش حد يتفرج عليه أعمل ايه ؟
=اطلعي بلبس عريان
– لا مش سكتي ومش هيليق على الدور اللي انا عايشاه
=طلعي اشتمي في الثورة
– هكسب عدوات كتير انا في غنا عنها
=أنتي اتشهرتي ازاي زمان فكريني ؟
– جبت واحدة لابسها جن
=عظيم .. المرادي جيبي بدل الواحدة .. خمسة
– الله عليك يا أستاذ “!!
“محتاجين نخلي #قناه #ناشيونال_جيوجرافيك تعمل #فيلم_وثائقي عن الزميلة المبجلة #ريهام_سعيد , لدراسة سيكولوجية #الحيوان الأنوي النادر اللي جواها وازاي بتقدر تحول عقول الناس اللي بتتفرج عليها لمحشي كرنب بالمهلبية”
