“انا شاركت في ثورة يناير” عنوان هاشتاج دشنه رواد موقع التواصل الاجتماعي الفيس بوك, لسرد المواقف التي مرت بالشباب الذين شاركوا في إشعال ثورة 25 يناير 2011, والذي نال استحسان الكثيرين , واطلقوا تعليقات التي تؤكد علي اعتزازهم بالثورة.
وجاءت تعليقاتهم كالاتي:-
“هاشتاج #انا_شاركت_في_ثورة_يناير مليان حكايات بتقول احنا لسه موجودين ولسه كتير .. مع كل الاحباط و التشويه اللي الاعلام بيحاول يعمله عشان ينسينا الايام دي منجحتش .. قصص بحسد كل واحد كاتبها ومكسوفة اني معنديش حاجه احكيها للجايين عن الايام دي وندمانه اني موقفتش قدام اهلي بقوة اكتر عشان يسبوني انزل ”
“و أشهد أن لا ثورة إلا يناير وحدها .. و إني أول الكافرين بالسيسي ..قضي الأمر الذي فيه تستفتيان”
“انا ضحيت بدروس الثانوية و نزلت الميدان”
“كان احساس ميتوصفش واحنا واقفين ف الميدان كتفي ف كتف اخويا واختي بينهم حاسس بالامان قامت ثوره التحرير ف يوم جمعة الغضب فاكرين كوبرى قصر النيل شيخ بيصلى واتضرب مهما ضربتوا بالرصاص مهما نشن القناص .
“هاشتاج #أنا_شاركت_في_ثورة_يناير مكسر الدنيا وتريند على تويتر وفيسبوك بقاله ايام”
“عديت من قدام مبني امن الدولة وهو بيتحرق وشوفتهم وهما بيقلّبوه ولقيت مظاهرة صغنونه كدة بيقولوا فيها يسقط حكم العسكر قلت وراهم الهتاف مرتين و لما لقيت فيها غاز خلعت تعتبر مشاركة ع فكرة خليكم حلوين”
“ولا يمكن أندم علي اللحظة اللي حس فيها ملايين المصريين لأول مرة في حياتهم إنهم بني آدمين بجد وإنهم أحرار ،لا يمكن أندم علي اللحظة اللي خرجنا فيها من السجن الكبير،عشان كده أنا متفهمة خوفهم من يناي”
“وبالرغم أن عيني راحت هاتفضل الثورة أحلي وأجمل حاجة حصلت وعيشتها في حياتي وكانت أجمل أيام عمري أقسم بالله”
“فاكر الثورة بكل تفاصيلها … بترتيبات النزول …. بالشنطة اللي فيها خل و بيبسي و ماسك و محلول الخميرة”
“ايوة و نزلت بعدها تلات سنين بحاول اغير كان عندي امل في البلد تتغير و الناس متبقاش عبيد
بعد خمس سنين انا مبقاش عندي امل “
