دشن رواد مواقع التواصل الاجتماعى هاشتاج بعنوان «صيدلية تويتر» يدعون فيه للتبرع بالأدوية الزائدة عن الحاجة، وكذلك مساعدة غير المقتدرين فى تحمل تكاليف الأدوية، وذلك لمواجهة نقص الأدوية وارتفاع أسعارها خلال الفترة الماضية، مما دفع العديد من المستخدمين للتفاعل ونشر الهاشتاج وجاءت تعليقات رواد مواقع التواصل الاجتماعى كالآتى: «فى هاشتاج على تويتر #صيدلية_تويتر فكرته لو عندك دوا مش محتاجه، لو محتاج دوا مش لاقيه، لو فى أزمة فى دوا معين وبيتباع سوق سودا زى ما سمعت عن محلول الملح والبنج وغيره! لو حد محتاج دوا ومش قادر على تمنه الهاش تاج ده حلو أوى عرفوا الناس بيه وفعلوه وفيدوا واستفيدوا منه، ربنا يشفى كل مريض».
فى حين علق آخر: «صيدلية تويتر» هاشتاج اتعمل عشان اللى عنده دواء مش محتاجه يكتب عنه واللى محتاج دواء مش لاقيه يسأل عنه.. ادعموا الفكرة.
وتفاعلت أخرى قائلة: «ساعات فى طفل او ست كبيرة او شاب بيموت عشان مش معاه تمن دوا معين او الدوا دا مش موجود وبنقعد نلف عليه بالايام والاسابيع فلو انت عندك اى دوا صالح للاستخدام ممكن تشيره معانا ولو انت كمان محتاج نوع دوا معين ممكن تكتبه وندور عليه مع بعض على الهاشتاج».
